見到HR熊討論Annual Dinner，令小妹想起一件入行的往事，不吐不快。
話說第一年加入公司，Annual Dinner前個半月，各分行就收到order，要交一個人頭出去，不幸中之大幸，只係去表演，並不是要人頭落地。咁究竟交邊個出去好呢？去到呢啲moment，啲同事出奇地一致齊心——當然是新嚟新豬肉啦。
小妹雖然有心理預備接受噩耗，但都想作垂死掙扎。沒多久，我接到一個HR搞手的電話：「喂？Bella，我係通知你，嚟緊個Annual Dinner，你要幫手表演，咁由下星期開始逢二四六就去練習啦⋯⋯」
「呃⋯我⋯可唔可以唔表演？」
「我宜家係通知你，唔係問你意見！」語氣之刻薄凉毒，不禁令我倒抽一口涼氣。
即是咁，我要晚晚開完會後犧牲自己少得可憐的工餘時間，去練習台上的一分鐘，為的是什麼？不是為了自己升職的籌碼，而是要協助Annual Dinner搞手同事的KPI！
工作上，好多時都要硬食一啲額外任務，我理解，但點解當我幫你完成你的KPI，你的態度竟是如此恃勢凌人？
同事，山水有相逢，莫欺少年窮。
一到Annual Dinner，小薯唔洗旨意走得甩，老闆nominate一定要去參加，但又唔俾係office hour抽時間練習，仲要自掏腰包買服裝道具，咁你究竟想個staff點投入法呢?
Search